Túrkııa soty kólik qaqqan qazaqstandyqqa qoldaý bildirdi

ASTANA. QazAqparat -Túrkııanyń Antalııa qalasynda jaıaý júrginshiler jolynda avtokólik qaǵyp ketken 21 jastaǵy Temirtaý qalasynyń turǵynynyń emdeý shyǵyndaryn túrik júrgizýshisi óteıdi. Bul týraly QR Syrtqy ister mınıstrliginiń baspasóz hatshysy Ánýar Jaınaqov aıtty, dep habarlaıdy QazAqparat.

«Búgin Antalıada otandasymyz Merýert Dýganovanyń isi boıynsha sot otyrysy ótti. Oǵan Qazaqstannyń konsýly qatysty. Otyrys qorytyndysynda  sot birinshiden, jaıaý júrginshi jolynda Qazaqstan azamatyn qaǵyp ketken júrgizýshini eshqaıda ketpeý tilhaty negizinde qamaýdan bosatý, ekinshiden, onyń saqtandyrý kompanııasyn Merýerttiń belgili bir deńgeıge deıin emdelý shyǵyndaryn óteýge mindetteý týraly qaýly etti», - dedi Jaınaqov.

Aıta keteıik, buǵan deıin Antalııada jaıaý júrginshiler jolynda avtokólik qaǵyp ketken 21 jastaǵy qazaqstandyqtyń esin jıǵany týraly habarlaǵan bolatynbyz.