Túrkııa Syrtqy ister mınıstri Nıý-Iorkke bardy
Túrkııa Syrtqy ister mınıstri Hakan Fıdan resmı saparmen Nıý-Iorkke bardy, dep jazdy Anadoly agenttigi.
Dıplomatııalyq aqparat kózderine sáıkes, Túrkııa Syrtqy ister mınıstri BUU Qaýipsizdik Keńesiniń Palestına máselesi boıynsha otyrysyna qatysady.
Túrkııa Syrtqy ister mınıstrliginiń basshysy sonymen qatar Nıý-Iorkte túrli elderdiń ókilderimen birqatar ekijaqty kezdesýler ótkizedi.
Palestına máselesi boıynsha BUU Qaýipsizdik keńesiniń otyrysy 23 qańtarǵa josparlanǵan.
Qańtar aıynyń basynda BUU Qaýipsizdik Keńesi (QK) birden eki otyrys ótkizdi. Birinshisi - Gaza sektoryndaǵy jaǵdaıǵa, ekinshisi - AQSh pen Ulybrıtanııanyń Iemenge jasaǵan soqqysyna baılanysty boldy.
