Túrkııa Sırııamen shekaradaǵy 911 shaqyrymdyq betondy qorshaýdyń qurylysyn aıaqtaýda
«Alyp qorshaýdyń 711 shaqyrymy aıaqtaldy. Geografııalyq qıyn jaǵdaılar men mınaly alqaptardyń bolýyna qaramastan, qurylys jumystary taıaý ýaqytta aıaqtalady. Bul shekaradaǵy qaýipsizdikti áldeqaıda kúsheıte túsetin bolady», - dep atap ótti Túrkııanyń Turǵyn úı qurylysyn damytý basqarmasynyń basshysy Ergıýn Týran.
E.Týrgan eske salyp ótkendeı, túrik-sırııa shekarasynda uzaqtyǵy 911 shaqyrym beton qorǵanyn turǵyzý týraly sheshim lańkestik qaýpiniń artýy men shekarany zańsyz kesip ótý faktileriniń jıilep ketýi saldarynan qabyldanǵan.
Basqarma basshysy sondaı-aq, jańa dýaldyń perımetri boıynsha jańǵyrtylǵan sholý munaralary ornatylyp jatqanyn atap ótti.
«Qabyrǵa modýldi bolǵandyqtan, qaýipsizdikke tóngen qater joıylǵannan keıin, ony bólshektep, basqa jerde paıdalanýǵa bolady. Onda tek jergilikti materıaldar qoldanylýda. Qabyrǵany túrik kompanııalary turǵyzyp jatyr. Kún saıyn dýaldyń 2,5-3 shaqyrymy salynýda», - dedi ol.