Túrkııa Sırııamen aradaǵy shekaraǵa bıiktigi 3,5 metrlik beton qabyrǵa turǵyzbaq
ASTANA. QazAqparat - Irak jáne Sham ıslam memleketi lańkestik uıymynyń sodyrlary men shekaradan zańsyz ótetin kelimsekterdiń jolyn kesý úshin Túrik úkimeti kórshi Sırııamen shekaraǵa bıiktigi 3,5 metr bolatyn beton qabyrǵa turǵyzbaq.
Osy maqsatta Túrkııanyń Іshki ister mınıstrligi «qaýipsizdik beldeýi» jobasyn qabyldap, Sırııaǵa irgeles jatqan Hataı, Gazıantep, Kılıs pen Shanlyýrfa qalasyna 20 mln lıra qarjy bóldi, dep habarlaıdy túriktiń haberler.com aqparattyq saıty.
Túrkııa men Sırııa shekarasynyń uzyndyǵy 911 shaqyrymdy quraıdy. Joba aıasynda shekara shebinde qabyrǵa qalanyp, onyń aınalasy tiken symmen qorshalady. Oǵan qosa táýliktik baqylaý júrgizetin beınekameralar da ornatylatyn boldy, dep jazady 24.kz.
