Túrkııa Sırııamen aradaǵy shekaraǵa beton qabyrǵa turǵyzdy

ASTANA. QazAqparat - Búgin Túrkııanyń ulttyq qorǵanys mınıstrligi Sırııamen aradaǵy shekaraǵa beton qabyrǵa turǵyzý kezeńderiniń biri aıaqtalǵanyn habarlady. Bul týraly vedomstvo ókilderi óziniń Twitter-degi paraqshasynda málimdedi. 

«Shekaranyń fızıkalyq qaýipsizdik júıesi aıasynda Turǵyn úı qurylysy jónindegi memlekettik basqarmamen birlesip júrgizilip jatqan Sırııamen shekaradaǵy 556 shaqyrymdyq beton qabyrǵanyń qurylysy aıaqtaldy», - dep habarlady mınıstrlik.

Ótken jyldyń sońynda qorǵanys mınıstri Fıkrı Yshyk 2017 jyldyń orta tusynda qabyrǵa qurylysy tolyqtaı aıaqtalatynyn atap ótken edi. Sırııalyq shekarada barlyǵy 825 shaqyrym beton qabyrǵa salý josparlanǵan, dep habarlaıdy TASS.

Atalmysh shekaralyq bógette - salmaǵy 7 tonnalyq, eni 2 jáne bıiktigi 3 metr bolatyn tikendi symdarmen qorshalyp, beton bloktardan turǵyzylǵan.

Qabyrǵanyń árbir 300 metrinde barlyq zamanaýı tehnıkalyq baqylaý qurylǵylarymen jabdyqtalǵan munaralar turǵyzylady.

Sondaı-aq, munaralarda avtomatty pýlemetter men zańbuzýshylarǵa daýystap habarlaıtyn júıe ornatylǵan. Bul qabyrǵa sırııalyq terrorıster men kontrabandashylardyń shekarany zańsyz asyp ótýine qarsy salynyp otyr.