Túrkııa sırııalyq bosqyndarǵa 600 mıllıonnan astam dollar jumsapty
ASTANA. 12 aqpan. QazAqparat - Túrkııa sırııalyq bosqyndarǵa 600 mıllıonnan astam dollar jumsapty. Bul jaıynda Túrkııanyń Qarjy mınıstri Mehmet Sımsek habarlady.
«Bul qarajattyń 610,5 mln. túrik lıri (344 mln dollar) úkimet bıýdjetinen bólindi», - dep jazypty mınıstr Tvıtterde. Al qalǵan qarajat jergilikti bıliktiń qazynasynan bólingen.
muslim.kz saıtynyń jazýynsha, Sırııadaǵy qańtardyń aıazyndaı qaǵynyp turǵan qarýly qaqtyǵystan jappaı bas saýǵalap, úrkinge ushyrap, údere kóshken eldiń qarasy mol. BUU málimetine qaraǵanda, osy elden qashqan bosqyndardyń sany 705 myń adamǵa jetken. Qazirgi ýaqytta Lıvandy 220 myńnan asa sırııalyq bosqyn panalasa, Iordanııada - 216 myń, Túrkııada - 163 myń, al Irakta - 77 myń myń bosqyn júr. Bul esepke kirmegen ózgeleri Mysyr men Soltústik Afrıkanyń birqatar elderin panalaǵan.
2011 jyldyń naýryz aıynda tutanǵan janjal oty bılik pen oppozıtsııa arasyndaǵy qarýly qaqtyǵysqa ulasyp, birneshe myńdaǵan adamnyń ómirin qıdy. Sırııalyq bıliktiń málimdeýinshe, eldegi úkimetke qarsy kúshter syrttan qoldaý kórip otyr.
