Túrkııa sırııalyq dıplomattar úshin vızasyz rejım engizdi
ASTANA. KAZINFORM – Túrkııa dıplomatııalyq tólqujattary bar sırııalyq azamattar úshin vızasyz rejım engizdi, dep habarlaıdy Kazinform agenttiginiń Ankaradaǵy menshikti tilshisi.
Túrkııa prezıdenti Rejep Taııp Erdoǵannyń tıisti sheshimi eldiń resmı gazetinde jarııalandy.
Vızasyz rejım kez kelgen 180 kúndik kezeń ishinde 90 kúnge deıingi týrıstik saparlarǵa, sondaı-aq Túrkııa arqyly tranzıttik saparlarǵa qoldanylady.
Erdoǵan bul sheshimge 27 tamyzda qol qoıdy. Ol «Sheteldikter jáne halyqaralyq qorǵaý týraly» №6458 Zańnyń 18-babyna negizdelgen.
Osylaısha, Sırııanyń dıplomatııalyq tólqujattarynyń ıeleri Túrkııaǵa qysqa merzimdi týrıstik saparlar men tranzıt úshin vızasyz kire alady.
Osyǵan deıin Túrkııa men Sırııa Damaskide birlesken ýnıversıtet ashýǵa keliskenin habarladyq.
