Túrkııa Sırııaǵa jaýapty soqqy jasady

Bul sırııalyq snarıad Túrkııanyń Hataı provıntsııasynda jarylǵannan keıin kóp keshikpeı boldy, dep habarlaıdy Ýtro.rý saıty.

Kezekti shıelenisti kim bastaǵandyǵy - Bashar Asadtyń áskeri nemese kóterilisshiler ekendigi habarlanbaıdy. Aldyn ala málimetter boıynsha, zardap shekkender men qıraýlar joq.

Bul aǵymdaǵy apta ishinde túrkııa-sırııa shekarasynda bolǵan jalǵyz oqıǵa emes. Buǵan deıin, 11 aqpan kúni Reıhanly qalasynyń Djılvegezb Baqylaý-ótkizý beketinde sırııalyq nómirleri bar avtokólik jaryldy. Mashına Sırııaǵa gýmanıtarlyq kómekterdi jóneltetin kólikterge arnalǵan turaqta turǵan bolatyn. Jarylys Túrkııa jaǵynan shekara syzyǵynan nebári 40 metr jerde boldy. Saldarynan 12 adam mert boldy, ondaǵany jaraqattandy.

Sırııa men Túrkııa arasyndaǵy qarym-qatynas 2012 jyldyń maýsym aıynyń sońynda shıelenise tústi. Ol kezde Sırııa áskeri Túrkııanyń RF-4E barlaý ushaǵyn soqqylap, qulatqan bolatyn, eki pılot ta kóz jumdy. Keıinirek, qazan aıynyń basynda túrkııalyq Akchakal ýezinde sırııalyq aýmaqtan ushyrylǵan artıllerııalyq snarıadtar qulady. Jarylystan 5 adam qaza bolyp, 11-i jaraqattandy.