Túrkııa Sırııaǵa 11 gýmanıtarlyq júk kóligin jiberdi
ASTANA. KAZINFORM — Túrkııa Sırııanyń Aın-ál-Arab aýdanyndaǵy beıbit turǵyndarǵa kómektesý maqsatynda 11 gýmanıtarlyq júk kóligin jolǵa shyǵardy, dep habarlaıdy Anadoly.
Túrkııanyń Tótenshe jaǵdaılardy joıý jáne apattarǵa qarsy is-qımyl basqarmasy (AFAD) jáne Túrik Qyzyl Jarty Aı qoǵamynyń qoldaýymen 11 júk kóligi daıyndalǵan. Onyń ishinde:
-
5 kólikte 50 tonna un,
-
1 kólikte jastyqtar men jamylǵylar,
-
5 kólikte balalarǵa arnalǵan jórgekter men azyq-túlik.
25 qańtarda júk kólikteri aımaqqa Sırııa úkimeti jáne Aleppo kómek úılestirý ortalyǵynyń seriktestigimen jiberildi.
Osydan buryn Sırııa úkimeti men kúrdter atysty toqtatý týraly kelisimge qol qoıdy.
Keıinnen Sırııanyń Qorǵanys mınıstrligi eldiń áskerıler men kúrdter bastaǵan kúshter arasyndaǵy atysty toqtatý kelisimin 15 kúnge uzartqanyn habarlady.
Óz kezeginde Sırııa prezıdenti Ahmed ash-Sharaa kúrd halqynyń Sırııa halqynyń ajyramas bóligi jáne eldiń ulttyq biregeıligi retindegi mártebesin bekitý týraly jarlyqty bekitti.