Túrkııa Sırııa tarabynan shabýyl jasalsa, toıtarys berýge tolyq daıyn
ASTANA. 4 qyrkúıek. QazAqparat - Túrkııa Sırııa tarabynan shabýyl jasalsa, toıtarys berýge tolyq daıyn. Bul jaıynda eldiń premer-mınıstri Taıyp Erdoǵan málim etti, dep habarlady Ýtro.rý.
«Bizdiń elimiz mundaı is-qımylǵa kez kelgen ýaqytta daıyn. Sırııanyń oǵan qanshalyqty daıyn ekendigin bilmeımin», - dedi Túrkııa premeri Sankt-Peterbordaǵy G20 sammıtine Ankaradan attanar aldyndaǵy baspasóz máslıhatynda.
Túrkııa buqaralyq aqparat quraldarynyń aqparatyna qaraǵanda, taıaýda Sırııa SІM basshysynyń orynbasary Feısal Mıkdad AQSh taraby shabýyl jasaǵan jaǵdaıda Damaskiniń Izraılge ǵana emes, sonymen birge Túrkııa men Iordanııaǵa da soqqy beretindigin málimdegen.
