Túrkııa prezıdenti Shvetsııanyń NATO-ǵa qosylýyn maquldaıtyn qujatqa qol qoıdy
Túrkııa Prezıdenti Rejep Taııp Erdoǵan Shvetsııanyń NATO-ǵa qosylýyn maquldaıtyn qujatqa qol qoıdy. Bul týraly Túrkııa basshysynyń ákimshiliginen málim etti, dep habarlaıdy Kazinform agenttigi Anadolyǵa silteme jasap.
«2023 jyldyń 23 qazanynda Shvetsııanyń NATO-ǵa qosylýy týraly hattamaǵa prezıdent Rejep Taııp Erdoǵan qol qoıyp, qujat Túrkııanyń Uly ulttyq jınalysynyń qaraýyna jiberildi», - delingen prezıdent ákimshiliginiń baılanystar jónindegi basqarmasynyń áleýmettik jelidegi paraqshasynda.
Keıinnen NATO-nyń bas hatshysy Iens Stoltenberg Túrkııa basshysynyń bul qadamyna qoldaý bildirip, málimdeme jasady.
«Prezıdent Erdoǵanmen kezdesýde aıtyp ótkenimdeı, bul bútin Alıansty qýatty ári qaýipsiz ete túsedi», - dedi ol.
Seısenbi kúni I.Stoltenberg Shvetsııaǵa baryp, eldiń premer-mınıstri Krısterssonmen kezdesedi.
Buǵan deıin habarlanǵandaı, shilde aıynda Túrkııa Shvetsııanyń NATO-ǵa qosylýyn quptaýǵa kelisti. Onyń aldynda Ankara bul usynysty qoldamaı kelgen edi.
