Túrkııa balalar men sheteldikterdi bosatý jóninde HAMAS-pen kelissóz júrgizýde

Túrkııa HAMAS-ta tutqynda jatqan sheteldikter, beıbit turǵyndar men balalardy bosatý úshin palestınalyq atalǵan uıymmen kelissóz júrgizýde. Kazinform bul týraly Reuters agenttigine silteme jasap habarlaıdy.

Seısenbi kúni eldiń Syrtqy ister mınıstri Hakan Fıdan atap ótkendeı, «kóptegen elder» HAMAS tutqynǵa alǵan azamattaryn bosatýdy surap, Túrkııaǵa kómekke júgingen.

Reuters eldiń syrtqy ister mınıstrligindegi derekkózge silteme jasap jazýynsha, H.Fıdan bul máseleni HAMAS jetekshisi Ismaıl Hanııamen dúısenbi kúni talqylaǵan.

Dúısenbide HAMAS jetekshileriniń biri Haled Mashaal Izraıl túrmelerindegi barlyq palestınalyqtardy bosatý úshin topta «qajettiniń bári bar» dep málimdedi. ıAǵnı kepilge alynǵandar palestınalyq tutqyndardy bosatý úshin aıyrbas retinde paıdalanylmaq.

Osy málimdemeden keıin kóp uzamaı toptyń qarýly qanaty kepildikke alynǵan ızraıldik emes azamattar «qonaq» ekenin jáne olar «jaǵdaı múmkindik bergen ýaqytta» bosatylatynyn aıtty.

Eske salaıyq, 7 qazan kúni Palestınadaǵy HAMAS toby Izraılge shabýyl jasap, elder soǵys jaǵdaıyna kóshti. 

Birqatar memleket óz azamattaryn Izraılden evakýatsııalaýdy uıymdastyrdy. Qazaqstan da atalǵan elde júrgen 124 qazaqstandyq úshin repatrıatsııalyq reıs uıymdastyryp, olardy elge jetkizdi.

Izraıl Gaza sektoryn tolyq oqshaýlap, jaryq, tamaq jáne otynnyń jetkizilýine joldy japty. Áskerıler Palestına turǵyndaryna Mysyrǵa qashýdy usyndy. 11 qazan kúni Gaza sektoryndaǵy jalǵyz elektr stantsııasy otyn tapshylyǵynan jumysyn toqtatty.

7 qazannan beri Izraıl armııasynyń Gaza sektoryna jasaǵan shabýylynan 11 jýrnalıst qaza taýyp, taǵy 20-dan astam BAQ qyzmetkeri jaraqat aldy.

Palestına ulttyq avtonomııasynyń jetekshisi Mahmýd Abbas HAMAS Izraılde tutqynǵa alynǵan beıbit turǵyndardy bosatýy kerek ekenin aıtyp, HAMAS Palestına halqynyń múddesin bildirmeıtinin málimdedi. 

Sársenbi kúni Izralılge AQSh prezıdenti Djo Baıden baratyny kútilýde. 

AQSh Izraıl jaǵalaýyna eki myń teńiz jaıaý áskerinen turatyn jedel áreket etý kúshin jiberdi.

Keıingi málimet boıynsha, HAMAS-tyń Izraılge shabýylynan 1400 adam qaza boldy, al Izraıldiń Gaza sektoryna soqqysynan 2600 turǵyn kóz jumdy.