Túrkııa Shengen aımaǵy elderiniń azamattaryn elge vızasyz kirgizbek
ASTANA. QazAqparat - Túrkııa vızalyq rejımdi ózara yryqtandyrý týraly kelisim aıasynda Shengen aımaǵyndaǵy elderdiń azamattaryn vızasyz qabyldaıdy. Bul shara Eýroodaq Túrkııa azamattaryn vızasyn qabyldaı bastaǵan soń qoldanylady, dep habarlady Bı-bı-sı.
4 mamyrda Eýrokomıssııa Túrkııanyń vızasyz rejım engizý úshin qoıǵan 72 talapty qanshalyqty oryndaǵanyn qarastyryp, keıin Túrkııa azamattaryn vızasyz qabyldaýdy engizýi múmkin.
Alaıda bul úshin Ankara qoıylǵan talaptardyń barlyǵyn oryndaýy shart.
Dıplomattardyń sózderine qaraǵanda, Túrkııa bul talaptardyń jartysyn ǵana oryndaǵan.
Túrkııamen vızasyz rejımdi engizý týraly sheshim - Brıýssel men Ankara arasyndaǵy kelisimderdiń bir bóligi. Qujat aıasynda Túrkııa óziniń aýmaǵynan zańsyz Grekııaǵa baryp, odan qaıtarylǵan mıgranttardy qabyldaýǵa kelisti.
Bul shartqa sáıkes, Túrkııa Evroodaqtan 3 mıllıard eýro alýy tıis.
