Túrkııa sheneýnikterine jedelsatyny qoldanýǵa tyıym salyndy
ASTANA. QazAqparat - Edırna provıntsııasynyń gýbernatory jergilikti sheneýnikterge memlekettik mekemelerdegi jedelsatylarmen júrýge tyıym saldy, dep jazady 24.kz.
Ekinshi jáne úshinshi qabattardaǵy qyzmet etýshiler endi tek qana baspaldaqpen túsip-shyǵýǵa májbúr. Bul ereje sondaı-aq, múgedekter men qart adamdardan basqa, memlekettik mekemelerge kelýshilerge de qatysty.
Onyń saqtalý-saqtalmaýyn ár keńse ǵımaratynda jumys isteıtin arnaıy baqylaýshylar qadaǵalaıdy. Osyndaı erekshe ádispen aýmaq basshysy azamattardyń densaýlyǵyn jaqsartýǵa jáne artyq salmaqtan arylýǵa kómektesýge bel býypty.
Túrkııanyń Densaýlyq saqtaý mınıstrliginiń zertteýi boıynsha el turǵyndarynyń 30%-na jýyǵynda artyq salmaq bar eken. Sondaı-aq, jedelsatydan bas tartý - elektr shyǵynynyń azaıýyna baılanysty kommýnaldyq tólemderdi únemdeýge septigin tıgizedi.
