Túrkııa shekarasyna 200-250 myń mıgrant kele jatyr – Erdoǵan

ANKARA. ANADOLÝ - QazAqparat – Túrkııa shekarasyna 200-250 myń mıgrant kele jatyr. Sırııanyń soltústik aýdandaryndaǵy jaǵdaı týraly pikir bildire kele Túrkııa prezıdenti Rejep Taıyp Erdoǵan osylaı málim etti, dep habarlaıdy QazAqparat «Anadolý» agenttigine silteme jasap.

Túrkııa basshysynyń aıtýyna qaraǵanda, kósh tizginin toqtatý úshin qajetti sharalar qolǵa alynýda. Alaıda bul adam ómirine qatysty is bolǵandyqtan, kóshti toqtatý ońaı sharýa emes. Túrkııa qazirdiń ózinde bes mıllıonǵa tarta bosqynnyń úıine aınalǵan. Túrkııa basshysy olardyń tórt mıllıony sırııalyqtar ekenin eske saldy.