Túrkııa shekarada qaýipsizdik sharalaryn kúsheıtti
ASTANA. KAZINFORM — Taıaý Shyǵys aımaǵyndaǵy shıeleniske baılanysty Túrkııa memlekettik shekarada barlyq qaýipsizdik sharalaryn qabyldap jatyr, dep habarlaıdy Anadoly.
Izraıl men Iran arasyndaǵy qaqtyǵys aıasynda Túrkııa shekarasyn zańsyz kesip ótý áreketteriniń artqany ázirge baıqalmaıdy. Bul týraly Túrkııa Ulttyq qorǵanys mınıstrliginiń resmı ókili Zekı Aktıýrk apta saıynǵy brıfıngte málimdedi.
Ol Túrkııa Qarýly kúshteri kóshi-qon qozǵalystary bolýy múmkin degen qaýipke baılanysty barlyq qajetti qaýipsizdik sharalaryn qabyldap jatqanyn atap ótti.
Spıkerdiń aıtýynsha, sońǵy bir aptada Túrkııa shekarashylary 122 adamdy ustaǵan, olardyń ishinde terrorıstik uıymdarǵa qatysy bar 2 adam anyqtalǵan. Al jyl basynan beri ustalǵandar sany 2681 adamǵa jetken.
Osydan buryn Izraıldiń Iranǵa soqqysynan keıin Túrkııa qaýipti aımaqtardy aınalyp ótetin jańa ushý baǵyttaryn engizgenin jazǵan edik.
Eske salaıyq, 13 maýsymǵa qaraǵan túni Izraıl Iran aýmaǵyna jappaı soqqy jasady. Bul shabýyldyń saldarynan Islam revolıýtsııasy saqshylar korpýsynyń (KSIR) birqatar joǵary laýazymdy komandırleri men ıadrolyq fızıka salasyndaǵy ǵalymdar qaza tapty. Iran sondaı-aq Natanz qalasyndaǵy ıadrolyq nysannyń zaqymdanǵanyn rastady, biraq radıatsııanyń taralý faktisin joqqa shyǵardy.