Túrkııa provıntsııasynda ken orny opyrylyp túsip, 3 adam kóz jumdy

ASTANA. KAZINFORM — Túrkııanyń Erzýrým provıntsııasyndaǵy Oltý aýdanynda ornalasqan karerde taý jynysy opyrylyp túsip, úsh adam qaza tapty, dep habarlaıdy AZERTADJ.

Agenttik habarlaýynsha, qaıǵyly jaǵdaı senbi kúni tańerteń qara káriptas (ıantar) óndiriletin ken ornynda bolǵan.

Oqıǵa ornyna jedel túrde qutqarýshylar, órt sóndirýshiler, jandarmerııa jáne medıtsınalyq toptar jiberildi.

Sońǵy málimetter boıynsha, eki adamnyń denesi jer astynan shyǵarylǵan. Taǵy bir jumysshy jer betine aýyr jaraqatpen shyǵarylǵanymen, dárigerler onyń ómirin saqtap qala almady.

Qaıǵyly oqıǵanyń sebepteri boıynsha tergeý júrgizilip jatyr.

Budan buryn Túrkııada aýsyldyń taralýyna baılanysty Ylǵyndaǵy mal bazary jabylyp, karantın engizilgenin jazdyq.