Túrkııa prezıdenttigine kandıdattardyń saılaýaldy úgit naýqany bastaldy

ANKARA. ANADOLY. QazAqparat – Túrkııa Prezıdenti saılaýynyń birinshi kezeńinde kandıdattardyń eshqaısysy saılaýshylardyń 50 paıyz daýsyn jınaı almady, sol sebepti endi ekinshi kezeń ótedi, dep habarlaıdy QazAqparat Túrkııanyń Anadolý agenttigine silteme jasap.

Saılaý protsesi Joǵary saılaý komıssııasy daıyndaǵan kúntizbege sáıkes ótedi.

Prezıdent saılaýynyń kelesi kezeńi 28 mamyrǵa josparlanǵan.

Ekinshi kezeńdegi daýys berý kezinde Ádildik pen damý partııasynyń basshysy jáne is basyndaǵy Prezıdent Rejep Taııp Erdoǵan men oppozıtsııalyq Respýblıkalyq halyq partııasynyń lıderi Kemal Kylychdaroǵly qatysady.

Kandıdattardyń saılaýaly úgit jumystary dúısenbi, ıaǵnı 15 mamyrda bastalady.

Ekinshi kezeńde shetelden jáne keden beketterinde daýys berý 20-24 mamyr aralyǵynda ótedi.

Radıo men televızııa arqyly úgit-nasıhat 24 mamyrda bastalady, al kandıdattardyń saılaýaldy naýqany 27 mamyr kúni jergilikti ýaqyt boıynsha saǵat 18:00-de aıaqtalady.

Joǵary saılaý komıssııasy daýys berýdiń qorytyndy nátıjesin 1 maýsymda jarııalaıdy.