Túrkııa prezıdentiniń rezıdentsııasyna shabýyl jasaldy
ASTANA. QazAqparat - Belgisiz bireý Stambuldaǵy prezıdent Taıyp Rejep Erdoǵannyń rezıdentsııasyna shabýyl jasady. Ol saraı kúzetshilerine oq jaýdyryp, jarylǵysh zat laqtyrǵan, biraq granata jarylyp úlgermedi.
Mamandar snarıadty alystan zalalsyzdandyrǵan. Kúdikti de birden qolǵa tústi, dep habarlaıdy khabar.kz.
Shabýyl saldarynan eshkim zardap shekken joq. Polıtseıler qaskúnemniń jeke basyn anyqtady. Ol buryn da túrmede otyrǵan bolyp shyqty. Biraq tártip saqshylary tolyq málimet berýden bas tartty. Qazir shabýyl jasalǵan aýmaq qorshaýǵa alynyp, tergeý júrip jatyr.
«Biz belgili lańkestik uıymnyń múshesi dep otyrǵan er adam 2 granatany polıtsııa beketine qaraı laqtyrdy jáne sosyn oq jaýdyrdy. Bizdiń áriptesterimiz ony qashpaqqa árekettengen kezinde ustady»,-dep málim etti Stambul polıtsııasynyń basshysy Selamı Altynok.
