Túrkııa Prezıdenti ózine qol jumsamaq bolǵan adamǵa turmystyq qıynshylyqtan qutqarýǵa ýáde berdi
ASTANA. QazAqparat - Túrkııa Prezıdenti Redjep Taıyp Erdoǵan 25 jeltoqsanda, juma kúni kópirden sekirip, ózine qol jumsamaq bolǵan er adamdy qutqardy. Bul týraly Daily Sabah habarlady.
Oqıǵa Stambýlda Bosfor buǵazy kópirinde bolǵan. Basylym jarııalaǵan beıne jazbada juma meshitke bet alǵan Erdoǵan korteji ózine qol jumsamaq bolǵan adam turǵan kópir mańyna prezıdenttiń aıtýymen toqtaǵany baıqalady. Prezıdent kómekshileri er adamǵa Erdoǵan onymen sóıleskisi keletinin aıtyp, ony prezıdent otyrǵan Mercedes kóligine alyp keledi. Kadrdan er adam men túrik kóshbasshysynyń birneshe mınýt sóıleskeni baıqalady. Ol birneshe ret telefonmen sóılesken soń, er adam Erdoǵannyń qolynan súıedi. «Associated Press» derekterine sáıkes, er adam otbasylyq qıyndyqtarǵa baılanysty ózine qol jumsamaq bolǵan eken. Erdoǵan oǵan máselelerin sheshýge járdem berýge ýáde berdi.
