Túrkııa prezıdenti Ózbekstanǵa saparmen barady
ASTANA. QazAqparat - Túrkııa Prezıdenti Redjep Erdoǵan Ózbekstanǵa memlekettik saparmen barady, dep habarlaıdy QazAqparattyń Tashkenttegi menshikti tilshisi.
Ózbekstan Syrtqy ister mınıstrliginiń habarlaýynsha, Rejep Erdoǵannyń Ózbekstanǵa sapary 29 sáýirden 1 mamyrǵa deıin jalǵasady.
Túrkııa prezıdentiniń Ózbekstanǵa memlekettik sapary aıasynda qos memleket arasyndaǵy kópjosparly yntymaqtastyqty damytý joldary talqylanady. Halyqaralyq jáne dinı kún tártibinde, atap aıtqanda jahandyq jáne aımaqtyq syn-qaterlerge erekshe nazar aýdarylady.
Sonymen birge, Túrkııa prezıdenti Ózbekstannyń Olıı Májilisi palatalarynyń birlesken otyrysynda sóz sóıleıdi.
Eki el basshylary Ózbekstan men Túrkııanyń jetekshi bankteriniń, kompanııalary men fırmalarynyń basshylarmen birlesken bıznes-forýmǵa qatysady. Odan bólek, sapar baǵdarlamasynda Túrkııa delegatsııasyn Buhara qalasyna aparý josparlanǵan.
Ózbek-túrik sammıtiniń qorytyndysy boıynsha, memleket basshylarynyń ekijaqty qarym-qatynastyń qazirgi jaı-kúıi men odan ári damýyna baǵa beretin birlesken Málimdemesi qabyldanady.
Sondaı-aq, sapar aıasynda túrli salalar boıynsha memleketaralyq, úkimetaralyq jáne vedomstvoaralyq qujattar paketine jáne ınvestıtsııalyq kelisimderge qol qoıý josparlanǵan.
Foto: www.tarimkon.org
