Túrkııa Prezıdenti lańkestikpen kúresý úshin musylman elderiniń maıdanyn qurýdy usyndy
ASTANA. QazAqparat - Túrkııa Prezıdenti Rejep Taıyp Erdoǵan ekstremızmmen kúresý úshin musylman elderiniń basshylaryn biryńǵaı maıdan qurýǵa shaqyrdy, dep habarlady Gazeta.ru Hurriet túrik gazetine silteme jasap.
«Lańkesterdiń áreketine qarsymyn jáne barlyq musylman elderiniń lıderlerin olarmen kúresý úshin biryńǵaı maıdan qurýǵa shaqyramyn», - dedi Erdoǵan.
Sondaı-aq, Túrkııa Prezıdenti «barlyq musylmandar - lańkes» degen málimdemeni synǵa aldy. Onyń sózine qaraǵanda, kez kelgen din ókili jaman adam bolýy múmkin, «Islam memleketin» ıslammen baılanystyratyndar qatelesedi.
Osyǵan deıin Erdoǵan gýmanıtarlyq jaýapkershilikten qutylý úshin Eýropadaǵy kóshi-qon daǵdarysyn terrorızmniń jahandyq qaýpimen baılanystyrýǵa bolmaıtynyn aıtqan.
13 qarashada keshke Parıjde lańkestik shabýyldar oryn aldy. Sońǵy málimetterge qaraǵanda, 129 adam qaza tapty, japa shekkenderdiń sany 352 adamdy quraıdy, 99-nyń jaǵdaıy aýyr.
«Islam memleketi» - birqatar elde tyıym salynǵan lańkestik top.
