Túrkııa Prezıdenti Qasym-Jomart Toqaevty QR Prezıdenti laýazymyna kirisýimen quttyqtady
ASTANA. QazAqparat - Memleket basshysy Túrkııa Respýblıkasynyń Prezıdenti Rejep Taııp Erdoǵanmen telefon arqyly sóılesti, dep habarlady búgin Aqordanyń baspasóz qyzmeti.
Rejep Erdoǵan Qasym-Jomart Toqaevty Qazaqstan Respýblıkasynyń Prezıdenti laýazymyna kirisýimen quttyqtap, jaýapty qyzmetine tabys tiledi.
Áńgimelesý barysynda eki el basshylary Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń Qazaqstan men Túrkııa arasyndaǵy qarym-qatynastardy qalyptastyrý jáne yntymaqtastyqty damytý isinde erekshe ról atqarǵanyn atap ótti.
Taraptar bir-birin Naýryz meıramymen quttyqtady.
Telefon arqyly sóılesýge Túrkııa jaǵy bastamashy boldy.
