Túrkııa Prezıdenti bıyl qajylyq paryzyn ótemek
ASTANA. 11 qazan. QazAQparat - Túrkııa Prezıdenti Abdýlla Gúl osy jyly mıllıondaǵan musylman jamaǵatynyń qataryna qosylyp qajylyq jasamaq. Bul týraly muftyat.kz habarlady.
Buqaralyq aqparat quraldarynyń aıtýynsha, Túrkııa Basshysy Saýd Arabııasyna kelesi aptada keledi dep kútilýde. Bul prezıdent Abdýlla Gúldiń birinshi qajylyǵy emes, Djıdda qalasynda Islam damý bankinde ekonomıst bolyp qyzmet atqaryp júrgen kezinde de birneshe ret qajylyq jasaǵan bolatyn.
Sonymen qatar, Asharq Al-Awsat aqparat ortalyǵynyń málimdeýinshe, Iran prezıdenti Hassan Raýhanı da qajylyq paryzyn ótemekshi.
Osy rette, kóptegen elbasylardyń jyl saıyn Saýd Arabııasy Koroliniń qonaǵy retinde qajylyq jasaıtynyn aıta ketý kerek.
