Túrkııa Prezıdenti A. Gúl Qazaqstanǵa resmı sapar jasaıdy
amyrdyń 17-si. QazAqparat /Ernur Aqanbaı / - Mamyrdyń 23-26 aralyǵynda Túrkııa Respýblıkasynyń Prezıdenti Abdolla Gúl Qazaqstanǵa resmı sapar jasaıdy. Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov málim etti,
dep habarlaıdy QazAqparat.
«Sapar barysynda eki jaqty yntymaqtastyqtyń jáne halyqaralyq arenadaǵy yntymaqtastyqtyń negizgi qyrlaryn talqylaý jospralanyp otyr. Sapar baǵdarlamasynda Abdolla Gúldiń Qazaqstan Prezıdenti Nursultan Nazarbaevpen kelissózder júrgizýi, sondaı-aq Parlament Senatynyń tóraǵasy Qasym-Jomart Toqaevpen, Parlament Májilisiniń tóraǵasy Oral Muhamedjanovpen kezdesýleri qarastyrylǵan.
Sondaı-aq sapar barysynda Qazaqstan men Túrkııa arasynda birqatar eki jaqty qujattarǵa qol qoıylady», dedi Á. Ábdirahmanov.
Onyń aıtýynsha, sapar aıasynda Túrkııa Prezıdenti Abdolla Gúl Túrkistan qalasyna barady. Ol jerde Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń professorlar jáne oqytýshylar quramynyń jáne stýdentterdiń aldynda dáris oqıdy.
