Túrkııa premeriniń kortejine granata laqtyryldy
ASTANA. 5 mamyr. QazAqparat - Túrkııada belgisiz bireýler el premeri Redjep Erdoǵannyń kortejindegi polıtsııa kóligine granata laqtyrdy,
dep habarlady RBK agenttigi VVS telekompanııasyna silteme jasap.
Bul oqıǵa saılaýaldy naýqannyń aıasynda Úkimet basshysynyń Kastamoný qalasyna jasaǵan saparynyń barysynda bolǵan. Eldegi bılik júrgizýshi Ádildik jáne damý partııasynyń músheleri mingen avtobýsqa erip júrgen mashınaǵa granata laqtyrǵannan keıin, álgiler oǵan oq jaýdyrǵan. Atys kezinde eki polıtseı jaralanyp, olardyń kólikteri janyp ketken.
Kortejge shabýyl jasalǵan kezde R.Erdoǵan qaladan shyǵyp ketken. Ol kezekti mıtıngte delegatsııaǵa jasalǵan shabýyldy aıyptady. «Ol lańkester men separatıster demokratııalyq saılaýda jeńiske jete almaıtyn bolǵandyqtan osyndaı shabýyldar jasap otyr. Biz eshkimge elimizdi jik-jikke bólýge jol bermeımiz. Uly ultymyz qaraqshylarǵa berilmeıdi», - dedi el premeri óz málimdemesinde.
