Túrkııa premeri YouTube pen Facebook-qa tyıym salmaqshy
ASTANA. QazAqparat - Túrkııanyń Premer-mınıstri Redjep Taııp Erdogan 30 naýryzda ótetin jergilikti saılaýdan keıin Úkimet ınternetke jańa shekteý engizetinin málimdedi, dep habarlaıdy Lenta.ru. Onyń ishinde YouTube beıne servısi men Facebook áleýmettik jelisine tyıym salynýy múmkin.
Buǵan Erdogannyń sybaılas jemqorlyqqa qatysty telefon áńgimesiniń búkil ınternetti sharlap, onyń arty janjalǵa ulasqany sebep bolýy múmkin. Eske sala ketsek, áldebireýler premer-mınıstr men onyń uly qomaqty qarjyny qymqyryp qalý tásilderin talqylap jatqan jazbany ǵalamtorǵa jarııalap jibergen edi.
BAQ-taǵy aqparatqa súıensek, úkimet basshysy saýda mámileleri men sot tóreligine de aralasqan syńaıly. Negizi Túrkııa parlamenti sot sheshiminsiz-aq keıbir saıttarǵa tyıym salý týraly zańdy qabyldap, aqpanda qoldanysqa engizip te qoıǵan.
