Túrkııa Premeri R. Erdoǵan palestınalyqtarǵa qoldaý kórsetýge shaqyrdy

Erdoǵan bul málimdemeni Kaırde, óńir elderi kóshbasshylarynyń tórtjaqty kezdesýi barysynda jasady, dep habarlaıdy Associated Press.

Túrkııa premer-mınıstri men is-sharany uıymdastyrýshy - Egıpet Prezıdenti Mohammed Mýrsıden bólek kezdesýge Katar ámiri Hamad bın Halıfa ál-Tanı jáne "Hamas" uıymynyń basshysy Haled Mashal qatysty.

Olardyń áńgimesiniń basty taqyryby palestınalyq jaýyngerlik toptar men Izraıl Qorǵanys armııasynyń bitimge kelýiniń iske aspaýyn talqylaý jáne olardyń arasynda jańa raketalyq soqqylar tolqynynyń bastalýy boldy.

Atalǵan is-sharamen birmezgilde Kaırde Arab elderi lıgasyna qatysýshy-memleketterdiń syrtqy ister mınıstrleriniń otyrysy ótti. Olardyń kúntártibiniń negizgi taqyryby Sırııa jáne palestınalyq-ızraıldik qarsy turýlar aınalasyndaǵy jaǵdaıǵa arnaldy.

Eske salaıyq, osy aptada Izraıl men Gaza sektory arasyndaǵy beıbit dıalog iske aspaı qaldy, taraptar raketalyq soqqylarmen almasýdy bastady.