Túrkııa Premeri ınternettegi balasymen bolǵan áńgimeni jalǵan dep habarlady
ASTANA. QazAqparat - Túrkııa Premer-Mınıstri Redjep Taıyp Erdoǵan balasymen telefon arqyly aqsha jaıynda sóılesken áńgimesi jaıynda ınternette ornalastyrylǵan dybys jazbasyn jalǵan dep málimdedi.
Atap aıtqanda, bul jazbada onyń balasymen iri somadaǵy qarjyny jasyrý turǵysyndaǵy áńgimesi keltirilgen.
Túrkııa úkimetiniń basshysy parlament aldynda YouTube beıne hostıngine salynǵan dybystyq faıl jala ekenin jáne osyǵan kináliler jazaǵa tartylýy tıis ekenin atap ótti.
Osy oraıda Erdoǵan ózine qatysty jemqorlyq aıyptaýlaryn astyrtyn áreketterge baǵalap otyr.
Aıta keteıik, oppozıtsııa ókilderi dybys jazbalarynyń jarııalanýyna baılanysty birneshe márte premer-mınıstrdiń otstavkasyn talap etken bolatyn.
