Túrkııa Premeri Ankaradaǵy jarylysty kimder uıymdastyrýy múmkin ekenin aıtty
ASTANA. QazAqparat - Túrkııa Úkimetiniń basshysy 95 adam qaza tapqan jarylysty uıymdastyrdy degen kúdik týǵan uıymdardy atady. Tizimde «Islam memleketi», Kúrdistannyń jumysshylar partııasy jáne solshyl radıkaldar qozǵalysy bar, dep habarlady RBK.
Túrkııa bıligi ondaǵan adam qaza tapqan Ankaradaǵy jarylysty «Islam memleketi», Kúrdistannyń jumysshylar partııasynyń belsendileri jáne solshyl radıkaldar qozǵalysy uıymdastyrdy degen kúdik keltirýde. Reuters habarlaǵandaı, bul týraly Túrkııa premeri Ahmet Davýtoglý málim etti. Premer aqparatqa sáıkes lańkestiki eki jankeshtiniń jasaǵanyn aıtty.
Senbi kúni, 10 qazanda Ankaradaǵy ortalyq vokzalǵa «Eńbek. Beıbitshilik. Demokratııa» beıbit narazylyq sherýine qatysýshylar jınalǵan kezde eki jarylys boldy. Sońǵy málimetterge qaraǵanda, 95 adam qaza tapty, 200-i jaraqat aldy. Elde úsh kúndik aza tutý kúni jarııalandy. «Bul bir topqa nemese saıası uıymǵa jasalǵan shabýyl emes. Bul tutas elimizge jasaǵan shabýyl», - dedi Davýtoglý.
Birneshe sekýndtyq úzilispen Ankara temir jol vokzalynda senbi kúni tańerteń eki jarylys boldy. Onda Eńbek. Beıbitshilik. Demokratııa» beıbit narazylyq sherýi ótip jatqan. Sherý túrik bıligi men kúrdter arasyndaǵy áskerı qaqtyǵystardy toqtatý úshin uıymdastyrylǵan.
