Túrkııa premeri 30 naýryzda ótetin saılaýda jeńilgen jaǵdaıda saıasattan ketýge ázir
ASTANA. QazAqparat - Túrkııanyń Premer-mınıstri Taııp Erdogan 30 naýryzda jergilikti bılik organdaryna saılaýda partııasy jeńilis tabatyn bolsa, saıasattan qol úzýge ázir ekendigin aıtty.
Bul týraly úkimet basshysy Ádildik pen damý partııasyn basqaratyn shtab-páterde sóz sóılegen kezde málim etti.
"Men ashyǵyn aıtamyn. Eger partııam saılaýda birinshi bolmasa, saıasattan ketýge daıynmyn. Basqalary da osyndaı áreketke daıyn ba? Halyqtyq-respýblıkalyq partııa men Ulttyq qozǵalys partııasynyń tóraǵalary oryntaqtaryn bosata ma? Olar oryndaryn saqtap qalýǵa tyrysady, qozǵalatyn oılary da joq ", -dep atap ótti Erdogan.
ÁDP bedeli sybaılas jemqorlyqqa oraı týyndaǵan daý-damaı jáne premer men ulynyń telefon arqyly sóılesken sózderi jazbalarynyń áshkerelenýine baılanysty edáýir tómendedi, dep habarlaıdy ITAR-TASS.
