Túrkııa premer-mınıstri: Ankaradaǵy jarylysty eki terrorıst iske asyrǵan deýge dáleldi negiz bar
ASTANA. QazAqparat - Ankarada oryn alǵan jarylysty lańkester júzege asyrǵan degen nusqa negizgi bolyp tabylady, dedi jýrnalısterge Túrkııa premer-mınıstri Ahmet Davýtoglý, dep habarlaıdy TASS.
«Ankaradaǵy teraktini eki lańkes júzege asyrǵan deýge dáleldi negiz bar. Búgin el astanasynda sherýge qatysqan 86 azamatymyz kóz jumdy, bul jerde olardyń qandaı saıası kózqarasta bolǵany mańyzdy emes. El basshysymen aqyldasyp, ulttyq aza tutý jarııalaý týraly sheshim qabyldadyq», - dedi ol.
Sondaı-aq Davýtoglý bul shabýyl úshin aıyptylardyń barlyǵy mindetti túrde tabylyp, zań aldynda jaýap beretinin atap ótti. Eske salaıyq, búgin Ankarada «Eńbek. Beıbitshilik. Demokratııa» beıbit narazylyq sherýi kezinde 2 jarylys oryn alǵan bolatyn. Sherýge qatysýshylar túrik bıligi men kúrdter arasyndaǵy áskerı qaqtyǵystardy toqtatýdy suraǵan edi. Eldiń densaýlyq saqtaý mınıstrliginiń sońǵy málimetteri boıynsha lańkestikten 86 adam qaza tapqan, 200-den astam adam jaralanǵan.
