Túrkııa premer-mınıstri Ahmet Dáýitoǵly qyzmetinen ketpek
ASTANA. QazAqparat - Túrkııa premer-mınıstri Ahmet Dáýitoǵly basqarýshy partııa kóshbasshysy jáne úkimet basshysy qyzmetterinen ketý sheshimin jarııalady. Partııanyń jańa basshysy saılanatyn kezekten tys sezi 22 mamyrda ótedi.
Bul týraly RBK habarlady.
Túrkııa saıasatkeri Ahmet Dáýitoǵly óziniń sheshimi týraly partııanyń shtab-páterinde málimdedi. Dáýitoǵly basqarýshy partııanyń kezekten tys sezinde qaıta saılanbaıtynyn aıtty.
«Prezıdentpen keńesýlerden keıin men partııa kóshbasshysyn jáne premer-mınıstrdi aýystyrý jaqsy bolady degen pikirge keldim», - degen Dáýitoǵlynyń sózderin keltiredi The New York Times. Ol basshylyqty aýystyrý «partııanyń birligin saqtap qalý úshin beıbit ádispen ótkizilýi tıis», ekenin atap ótti.
