Túrkııa portyna kelgen krýızdik kemelerdiń sany rekordtyq deńgeıge jetti

BAKÝ. TREND - QazAqparat - Túrkııaǵa osy jyldyń birinshi jarty jyldyǵynda kelgen krýtzdik laınerlerdegi jolaýshylar sany 2022 jyldyń sáıkes kezeńimen salystyrǵanda 83,6 protsentke - 692 myń adamǵa ósken, dep habarlaıdy QazAqparat Trend-ke silteme jasap.

Osy jyldyń shildesinde túrik porttaryna kelgen krýızdik kemelerdiń sany 2022 jyldyń osy aıymen salystyrǵanda 28,3 paıyzǵa ósip, 154-ke jetti. Sonymen qatar, osy kezeńde Túrkııaǵa kelgen krýızdik keme jolaýshylarynyń sany 72,6 paıyzǵa artyp, 209 033 adamǵa jetti.

Jyldyń jeti aıynda túrik porttaryna kelgen krýızdik kemelerdiń sany 31,4 paıyzǵa artyp, 574-ke jetti.

Krýızdik kemelerdiń eń kóp sanyn Túrkııanyń Kýshadasy porty qabyldady. Osy jyldyń jeti aıynda portqa 372 831 jolaýshysy bar 264 keme keldi.