Túrkııa polıtsııasy Ystanbulda 3,6 mln jalǵan eýro tárkiledi

ASTANA. KAZINFORM — Túrkııa polıtsııasy Ystanbulda aýqymdy shara ótkizip, onyń barysynda 3,6 mln jalǵan eýro tárkilendi, dep habarlaıdy Kazinform menshikti tilshisi.

Bul arnaıy operatsııa jalǵan aqsha jasaý jáne satýmen aınalysatyn qylmystyq top áreketiniń jolyn kesýge baǵyttalǵan. 

Túrik quqyq qorǵaý organdary jalǵan eýrodan bólek, birneshe iri bankterdiń atyna basylǵan kontrafaktilik chekterdi, sondaı-aq jalǵan aqsha jasaý úshin paıdalanylǵan baspa úlgilerin de tárkiledi.

Jalǵan aqsha jasaýshylar úlgilerdi jalǵan kýpıýralardy basyp shyǵarý úshin paıdalandy, bul olarǵa eýronyń naqty kóshirmelerin jasaýǵa múmkindik berdi. 

Kúsh qurylymdarynyń jedel is-sharalary barysynda birneshe kúdikti ustaldy. Qylmystyq top tek Túrkııada ǵana emes, basqa elder aýmaǵynda da áreket etken.

Jalǵan aqsha jasaýshylar zańsyz qarjylyq operatsııalarmen aınalysatyn iri halyqaralyq qylmystyq jelilermen baılanysy bolýy múmkin dep shamalanyp otyr.

Qazirgi ýaqytta Túrkııanyń tergeý organdary jalǵan eýrony taratý shemasy men joldaryna qatysýshylardyń barlyǵyn anyqtaý jumystaryn jalǵastyryp jatyr. 

Buryn habarlaǵanymyzdaı, Túrkııadada eski dollar kýpıýrasyn qabyldaý toqtatyldy.

Mamandardyń aıtýynsha, Túrkııa naryǵynda 600 mıllıon dollarǵa jýyq jalǵan 50 jáne 100 dollarlyq kýpıýralar bar.