Túrkııa polıtsııasynda «tazartý»: 60-tan astam qyzmetker qamaldy
ASTANA. QazAqparat - Túrkııada tyńshylyq pen telefon áńgimelerin zańsyz tyńdaǵan degen kúdikpen 67 polıtseı qamaýǵa alyndy, dep jazady VVS.
Olardyń keıbiri Túrkııa Premer-Mınıstri Redjep Taıyp Erdoǵanǵa jaqyn topqa qatysty jemqorlyq isterin tergeýge qatysqan kórinedi.
Sonymen qatar qamalǵandardyń arasynda ystambuldyq lańkestikke qarsy kúres polıtsııasynyń burynǵy eki basshysy da bar. Olardyń biri jýrnalısterge aıtqan sózinde ózine qarsy is saıasılandyrylǵanyn jetkizgen.
Ystambul prokýratýrysynyń aqparaty boıynsha polıtseıler myńdaǵan adamdardyń telefondaryn tyńdaǵyn, onyń ishinde Premer-Mınıstr men túrkııalyq barlaý qyzmeti basshysyna tyńshylyq jasaǵan. 100-den astam kúdiktini tutqyndaýǵa orderler berildi, dep atap ótti prokýror.
Budan buryn habarlanǵandaı, byltyrǵy jeltoqsanda bastalǵan jemqorlyqqa qarsy tergeý úsh mınıstrdiń balalaryn qamaýǵa alýǵa jáne tórt vedomstvo basshysynyń otstavkasyna alyp keldi.
Óz kezeginde Erdoǵan bul tergeý óziniń burynǵy saıası qarsylasy Fethýlla Gıýlenniń bastamasymen júrgizilgenin málimdegen bolatyn.
