Túrkııa polıtsııasy tórt sodyrdan 24 jankeshti belbeýin tárkiledi
ASTANA. QazAqparat - Túrkııanyń ońtústik-shyǵysynda ornalasqan Gazıantep qalasynyń poıtsııasy «Islam memleketi» terrorıstik tobynyń tórt sodyryn ustap, 150 kelilik jarylǵysh zattar men jankeshtiniń 24 belbeýin tárkiledi, dep habarlaıdy reseılik RIA Novostı.
«IM quramyndaǵy Sırııadan kelgen sodyrlardyń Túrkııa aýmaǵynda alyp shabýyl uıymdastyryp jatqandyǵy týraly aqparat kelip tústi. Osyǵan baılanysty tórt kúdikti tutqyndaldy, onyń bireýine izdeý salynǵan bolatyn. Olardan jankeshtiniń 24 belbeýi, 150 kelilik jarylǵysh zattar, 2 Kalashnıkov avtomaty, jarylǵysh zattardy qashyqtyqtan basqaratyn 19 uıaly telefon, bombaǵa arnalǵan 21 saǵat tetigi, jankeshtige arnalǵan 20 jarǵysh, sondaı-aq lańkestik áreketke arnalǵan basqa da qarýlar men materıaldar tárkilendi», - dep habarlady agenttiktiń derekkózi.
«Qazir kúdiktilerdi prokýratýra tekserýde», - dep atap ótti Gazıantep provıntsııasy ákimshiligi baspasóz qyzmetiniń ókili.
