Túrkııa Parlamentiniń spıkeri jańa Konstıtýtsııa qabyldaýǵa shaqyrdy

ASTANA. KAZINFORM — Túrkııa Uly Ulttyq Májilisiniń tóraǵasy Nýman Kýrtýlmýsh elde qoldanystaǵy negizgi zańnyń ornyna jańa Konstıtýtsııa qabyldaýǵa shaqyrdy. Qoldanystaǵy Konstıtýtsııa 1982 jyly áskerı tóńkeris jasaǵandar tarapynan qysymmen qabyldanǵan, dep jazady AZERTADJ.

Agenttiktiń málimetinshe, ol jańa «azamattyq» Konstıtýtsııany Túrkııaǵa asa qajet qujat dep baǵalady.

— Biz áskerı tóńkeristerdiń aşy tájirıbesin umytpaımyz jáne olardyń qaıtalanýyna jol bermeımiz, — dep jazdy Nýman Kýrtýlmýsh 1980 jylǵy 12 qyrkúıektegi áskerı tóńkeriske 45 jyl tolýyna oraı áleýmettik jelide jarııalanǵan úndeýinde.

Parlament spıkeri 1980 jylǵy qyrkúıektegi oqıǵalardy Túrkııadaǵy demokratııaǵa, zańǵa jáne qoǵamdyq beıbitshilikke jasalǵan «úlken opasyzdyq» dep atady.

Sondaı-aq, ol Túrkııa bıliginiń birlik pen demokratııalyq ınstıtýttardy nyǵaıtý baǵytyndaǵy kúsh-jigerine nazar aýdardy.

— Túrkııa tarıhyndaǵy qaraly better endi qaıtalanbaıdy, — dedi Túrkııa Uly Ulttyq Májilisiniń tóraǵasy.

Osydan buryn Túrkııanyń kólik mınıstri jyldamdyqty asyrǵany úshin aıyppul tólegenin jazǵan edik.