Túrkııa parlamenti prezıdenttik basqarý túrine aýysýdy qoldady
ASTANA. QazAqparat - Túrkııa parlamenti prezıdenttik basqarý túrine aýysý týraly konstıtýtsııadaǵy ózgerister jıyntyǵyn maquldady, buǵan daýys berý nátıjesi dálel, dep habarlaıdy Rıa Novostı.
18 baptan turatyn zańdy qabyldaýǵa 339 depýtat kelisim bergen. Sońǵy sheshim qabyldaý úshin zań referendýmǵa jiberiledi.
«Atqarylǵan jumystar úshin depýttarǵa alǵys bildiremin, endi halyqtyń oıyn bilgimiz keledi», dep málimdedi Túrkııa premeri Bınalı Iyldyrym.
Jaqyn kúnderi Túrkııa prezıdenti Taıyp Erdoǵan zańǵa qol qoıady dep kútilýde, odan keıin zań mátini resmı jarııalanǵannan keıin 60 kún ótken soń referendým ótedi.
Túrkııa Respýblıkasy qurylǵan 1923 jyldan beri elde parlamenttik basqarý júıesi boldy. Al onyń ornyna prezıdenttik basqarý júıesin engizýdi qarastyratyn negizgi zańǵa ózgeristerdi parlamentke Túrkııanyń Ádilet jáne damý partııasy engizdi.
Referendýmda qabyldanǵan jaǵdaıda 2019 jyldan bastap engiziletin ózgerister prezıdenttiń quzyryn keńeıte túsedi. Atap aıtqanda ol jarlyq shyǵaryp, mınıstrlerdi taǵaıyndaý quqyǵyna ıe bolady jáne bul jaǵdaıda premer-mınıstrdiń laýazymy toqtatylady. Qoldanystaǵy norma qarastyrǵandaı, memleket basshysy partııaǵa músheligin de toqtatpaýy tıis.
