Túrkııa parlamenti KJP múshelerine raqymshylyq jasaýǵa quqyqtyq negiz qalyptastyratyn zańdy maquldady
ASTANA. KAZINFORM - Túrkııa parlamenti «Túrkııa – terrorsyz el» úderisine qatysty zań jobasyn maquldady, dep habarlaıdy Kazinform agenttiginiń Ankaradaǵy menshikti tilshisi.
«Ulttyq yntymaqtastyq pen qoǵamdyq birlikti nyǵaıtý týraly» zań jobasy parlamentte rekordtyq kóp daýyspen qabyldandy.
Qujatta Kúrdistan jumysshy partııasynyń (KJP) qyzmetin toqtatýǵa jáne onyń múshelerine raqymshylyq jasaýǵa qatysty quqyqtyq sharalar qarastyrylǵan.
Zań jobasy parlamenttiń jalpy otyrysynda shamamen 12 saǵat talqylanǵannan keıin maquldandy.
Qujatty 468 depýtat qoldady. 88 depýtat qarsy daýys berdi, al alty depýtat qalys qaldy.
Zań jobasy basym kópshilik daýyspen qabyldandy.
Túrkııa Konstıtýtsııasyna sáıkes, eger negizgi zańda ózgeshe tártip belgilenbese, sheshimder otyrysqa qatysyp otyrǵan depýtattardyń kópshilik daýysymen qabyldanady.
Bul rette qoldaý bildirgen depýtattar sany parlamenttiń jalpy quramynyń keminde tórtten birine bir depýtat qosylǵan kórsetkishten tómen bolmaýy kerek.
Zań KJP jáne onymen baılanysty qurylymdarǵa qatysy bar adamdarǵa qatysty birqatar tergeý áreketterin toqtatýǵa, sot protsesterin keıinge qaldyrýǵa, aıyptaý sharalaryn jáne sot sheshimderin oryndaýdy ýaqytsha toqtatýǵa quqyqtyq negiz qalyptastyrady.
Bul sharalar zańda belgilengen talaptar oryndalǵan jaǵdaıda ǵana qoldanylýy múmkin.
Olardyń negizgi sharttary – qarýly qyzmetti toqtatý jáne qarýdy tapsyrý.
Zań normalary terrorıstik uıymǵa múshe bolý, oǵan kómek kórsetý jáne onyń úgit-nasıhatyn júrgizýge baılanysty qylmystarǵa qoldanylady.
Sondaı-aq uıym qyzmeti aıasynda jasalǵan qylmystar men terrorızmdi qarjylandyrýǵa qatysty quqyqtyq normalar qarastyrylǵan.
Túrkııada bul zańnyń qabyldanýy «Túrkııa – terrorsyz el» úderisi aıasyndaǵy negizgi zańnamalyq qadamdardyń biri retinde baǵalanyp otyr.
Atalǵan úderis KJP qyzmetin toqtatýǵa jáne osy baǵytta qajetti quqyqtyq tetikti qalyptastyrýǵa baǵyttalǵan.
Buǵan deıin Túrkııanyń kúshtik qurylymdary eldiń 35 provıntsııasynda halyqaralyq terrorıstik uıym – IGIL-ge (Qazaqstanda tyıym salynǵan uıym – red.) qarsy aýqymdy arnaıy operatsııa júrgizgeni habarlanǵan bolatyn.
