Túrkııa óziniń áskerı ushaǵyn shyǵarýmen aınalysady
ASTANA. 11 naýryz. QazAqparat - Túrkııanyń qorǵanys ındýstrııasy túrik áserı ushaǵyn shyǵarý baǵdarlamasyn óristetý týraly sheshim qabyldady, dep habarlady Rosbalt.
MIGnews saıtynyń habarlaýynsha, baǵdarlama memlekettik qazynaǵa 20 mıllıard dollarǵa túspek.
Túriktik alǵashqy áskerı ushaqtar 2020 jyly konveıerden shyǵarylady dep kútilýde.
Qazir mundaı óndiristi jolǵa qoıýdyń ekonomıkalyq qajettigin jáne paıdalylyǵyn baǵalaý jumystary belsendi júrgizilip jatyr. Keıbir málimetterge qaraǵanda, Túrkııaǵa bul iste JAS-39 áskerı ushaqtary jaqsy baǵalanyp júrgen shvedtik SAAB kontserni kómektespek.
Eske sala keteıik, Ankara sondaı-aq amerıkandyq jańa F-35 áskerı ushaqtaryn satyp alýdy josparlaýda. Alaıda amerıkandyqtardyń osy kúrdeli jaýyngerlik tehnıkanyń baǵdarlamalyq qamtamasyz etý kodyn olardyń qaraýyna berýden bas tartýy túrik ókimetiniń renishin týǵyzyp otyr.
