Túrkııa óz áskerin Lıvııaǵa jibere alady

ANKARA. QazAqparat – Túrkııa parlamenti Lıvııaǵa qatysty jańa zań jobasyn qabyldady. Oǵan memleket basshysy qol qoıǵan. Jańa qujat boıynsha túrik áskerı qyzmetshileri Lıvııaǵa bara alady, dep habarlaıdy Anadoly agenttigi.

325 parlamentarıı atalmysh zań jobasyn jaqtap daýys berdi, al 184 depýtat qarsy boldy.

Tıisti zań jobasy 30 jeltoqsan kúni parlament qaraýyna usynylǵan edi.

27 qarashada Túrkııa men Lıvııa ulttyq kelisim úkimeti arasynda eki yntymaqtastyq memorandýmy jasaldy.

Onyń bireýi qaýipsizdik, áskerı yntymaqtastyq jáne teńizdegi quzyretti shekteýge arnalsa, ekinshisi halyqaralyq zańdardan týyndaıtyn qos eldiń quqyqtaryn qorǵaýdy kózdeıdi.