Túrkııa orman órtimen kúresip jatyr

ASTANA. KAZINFORM – Túrkııanyń birneshe provıntsııasynda turǵyn úılerdi, aýylsharýashylyq alqaptary men ormandardy sharpyǵan orman órtimen kúres jalǵasyp jatyr, dep habarlaıdy Anadolu.

Býrsada TOKİ turǵyn úı kesheni men Kesteldiń Aglashan aýdany arasyndaǵy Gıýrsý aýdanynda órt shyqty. Qatty jelden órt tez taraldy. Osydan keıin Karahydyr, Igdır jáne Avdandjyk aýyldarynyń turǵyndary evakýatsııalandy.

Órtti sóndirý jumystary áýeden de, jerden de jalǵasyp jatyr. Taǵy bir órt Orhanelıdegi ıAkýplar aýdanynda anyqtaldy. Órt baqylaýǵa alynyp, sóndirý jumystary jalǵasyp jatyr.

Ýshak provıntsııasynyń Sıvasly aımaǵynda da jaǵdaı kúrdeli. Onda emen toǵaıynan bastalǵan órt ormandy alqapqa taraǵan. Ketenlık jáne Erıdjı aýyldarynda turǵyn úıler men qosalqy ǵımarattar órtenip, júzdegen adam evakýatsııalandy.

Mersınniń Sılıfke aımaǵyna qarasty Chadyrly aýdanyn orman órti sharpydy. Órt aýyzdyqtalǵanymen, Chadyrly jáne Bahchederesı eldi mekenderindegi úıler men fermalar zardap shekti. Jergilikti turǵyndar materıaldyq shyǵyn bolǵanyn aıtyp jatyr.

Kahramanmarashta Chamlybel aýdanyndaǵy ormanda shyqqan órt áli de sóndirilip jatyr. Órtti sóndirýge kórshi provıntsııalardyń kúshteri tartylǵan.

Taǵy bir órt Dııarbakyr provıntsııasynyń Lıdjedegi Dýrý aýdanynda tirkelip, birneshe saǵattan keıin sóndirildi. Aldyn ala málimet boıynsha, 35 gektarǵa jýyq orman órtengen.

Bılik AFAD-tyń úılestirýimen jáne barlyq tótenshe jaǵdaılar qyzmetiniń qatysýymen órtti sóndirý táýlik boıy jalǵasyp jatqanyn jetkizdi.

Aıta keteıik, 15 kún ishinde Túrkııanyń ártúrli aımaqtarynda orman órtine qatysy bar 17 adam qamaýǵa alyndy. Bul týraly Túrkııanyń Ádilet mınıstri Iylmaz Týnch málimdedi.