Túrkııa Olımpıada oıyndaryn ótkizetin alǵashqy musylman eli bolýǵa nıetti
ASTANA. 26 naýryz. QazAqparat - Túrkııa prezıdenti Abdýlla Gúl 2020 jyly jazǵy olımpıadalyq oıyndardy ótkizýge Túrkııanyń qaýqary jetetinin málimdedi.
Bul jaıynda muslim.kz «Anadoly» agenttigine silteme jasap habarlady.
Onyń aıtýynsha, tańdaý Túrkııaǵa túsetin bolsa, bul ıslam elinde alǵash ret ótetin búkil álemdik doda bolaıyn dep tur.
El prezıdentiniń sózine qaraǵanda, Olımpıada ótkizýge Túrkııa astanasy laıyq. Óıtkeni, Ankara - saýda, qarjy jáne mádenıet ortalyǵy.
2020 jylǵy olımpıadalyq oıyndy ótkizýge tek Ankara qalasy ǵana emes, sonymen birge, Ispanııa astanasy - Madrıd, Italııa astanasy - Rım jáne kúnshyǵys eli - Tokıo qalalary da talasyp otyr. Túrikterdiń astanasy osymen besinshi ret baǵyn synaýda. Osy ýaqytqa deıin Túrkııanyń esh joly bolmaı kelgen edi.
