Túrkııa Netanıahýǵa halyqaralyq izdeý jarııalaýdy talap etti
ASTANA. KAZINFORM — Túrkııa Izraıl premer-mınıstri Bınıamın Netanıahýǵa qatysty genotsıd isi boıynsha Interpoldan «qyzyl habarlama» shyǵarýdy surady. Bul týraly Ankaradaǵy Kazinform agenttiginiń menshikti tilshisi habarlady.
Túrkııanyń Ádilet mınıstri Akın Gıýrlek vedomstvo Іshki ister mınıstrligine Netanıahý men Izraıl áskerı-teńiz kúshteriniń qolbasshysy, ızraıldik áskerı qaıratker Afek Moskovıchti halyqaralyq izdeýge jarııalaý týraly ótinish joldaǵanyn málimdedi. Bul ótinish 2026 jylǵy 14 shildede Stambuldyń №11 aýyr qylmystar jónindegi soty shyǵarǵan qamaýǵa alý orderlerine negizdelgen.
Gazze’ye insani yardım ulaştırmak amacıyla yola çıkan Küresel Sumud Filosu aktivistlerine uluslararası sularda gerçekleştirilen saldırıya ilişkin yargı süreci kararlılıkla devam etmektedir. İstanbul 11. Ağır Ceza Mahkemesinin 2026/108 Esas sayılı dosyasında, aralarında Binyamin…
— Akın Gürlek (@abakingurlek) August 21, 2026
Mınıstrdiń aıtýynsha, №2026/108 isi boıynsha barlyǵy 35 adam aıyptalýshy retinde ótip jatyr. Olarǵa Gazaǵa gýmanıtarlyq kómek jetkizý úshin jolǵa shyqqan «Ǵalamdyq Sýmýd flotılııasynyń» belsendilerine jasalǵan shabýylǵa baılanysty qylmystyq qýdalaý júrgizilip jatyr.
Gıýrlektiń málimdeýinshe, Netanıahý men Moskovıchke adamzatqa qarsy qylmystar, genotsıd, zańsyz bas bostandyǵynan aıyrý, densaýlyqqa qasaqana zııan keltirý, azaptaý, múlikti búldirý, tonaý jáne kólik quraldaryn basyp alý sııaqty birqatar qylmys boıynsha aıyp taǵylyp otyr.
Tıisti suraýǵa qatysty qujattar Túrkııanyń Syrtqy ister mınıstrligine joldandy. Gıýrlek Ankara Gaza sektorynda qylmys jasady dep esepteletin tulǵalardy jaýapqa tartý úshin ulttyq jáne halyqaralyq quqyqtyń barlyq múmkindigin paıdalanýǵa nıetti ekenin málimdedi.
Buǵan deıin Izraıldiń Túrkııa shekarasyna jaqyn ornalasqan Sırııadaǵy aerodromǵa soqqy jasaýy aımaqtaǵy shıelenisti kúsheıtkeni týraly jazǵan bolatynbyz.
Artynsha Sırııa Izraıldiń Idlıbtegi áskerı áýejaıǵa jasaǵan shabýylyn aıyptady.
