Túrkııa NATO bas hatshysy qyzmetine Mark Rıýtteniń kandıdatýrasyn qoldaıdy
ASTANa. KAZINFORM – Túrkııa NATO-nyń jańa bas hatshysy qyzmetine Nıderland premer-mınıstri Mark Rıýtteniń kandıdatýrasyn qoldaıdy, dep habarlaıdy Anadoly aqparat agenttigi.
Aqparatqa sáıkes, Ankara óziniń sheshimi týraly Soltústikatlantıkalyq alıanstyń basqa múshelerin habardar etken. Ótken aptanyń basynda Rıýtte Ystanbulda bloktyń jańa basshysyn saılaý máselesinde Túrkııanyń qoldaýyn alý maqsatynda Túrkııa prezıdenti Rejep Taııp Erdoǵanmen kezdesti.
Betpe-bet kezdesý formatynda ótken kelissózder 26 sáýir kúni «Vahdettın» rezıdentsııasynda ótti.
Kezdesýden keıin birlesken baspasóz máslıhatynda Rıýtte «NATO-nyń ońtústik qanaty Túrkııa men onyń qolbasshylyǵyna muqtaj» ekenin málimdedi.
«Túrkııa mańyzdy ról atqarady. Ol Gazadaǵy jaǵdaıdy retteýge, sondaı-aq Ýkraınadaǵy sumdyq soǵysty toqtatýǵa kúsh salýda. Osy oraıda siz mańyzdy ról atqarasyz», - dedi Nıderland úkimetiniń basshysy.
