Túrkııa: narazylyq bildirýshiler bılikke óz talaptaryn usyndy
ASTANA. 5 maýsym. QazAqparat - Túrkııada úkimetke qarsy narazylyq bildirýshiler vıtse-premer Búlent Arynchke ózderiniń talaptaryn usyndy. Bul týraly VVS habarlady.
Premerdiń orynbasarymen kezdesýge Ystambul ortalyǵyndaǵy Gezı saıabaǵyn qaıta josparlaýǵa qarsy shyqqan ekologtar men belsendilerdiń toby shaqyryldy.
Vıtse-premermen kezdesý barysynda narazylyq aktsııasynyń qatysýshylary saıabaq burynǵy qalpyn saqtap qalýy tıis ekendigin talap etti. Sonymen qatar olar qamaýǵa alynǵan ereýilshilerdi bosatýdy jáne demonstranttarǵa qatysty kúsh kórsetken polıtsııany jazalaý kerektigin alǵa tartyp otyr.
