Túrkııa mınıstri: ıAsaýıden jetken ilim Anadoly dalasyn qasıetti mekenge aınaldyrdy

KASTAMONÝ. QazAqparat - Kastamoný qalasy áýlıelerdiń izi qalǵan qasıetti meken. Bul týraly «Kastamoný - túrki áleminiń mádenı astanasy» jylynyń ashylý saltanatynda Túrkııanyń mádenıet jáne týrızm mınıstri Nýman Kýrtýlmýsh (Numan KURTULMUS) aıtty, dep habarlaıdy QazAqparat tilshisi.

Saltanatty shara barysynda sóz sóılegen Túrkııa mınıstri Kastamoný qalasynyń túrki dúnıesindegi orny aıryqsha ekenin atap ótti.

«Kastamaný túrki əleminiń astanasy bolyp jatqan tusta sizdermen júzdeskenimen qýanyshtymyn. Bul shara arqyly kórikti de tarıhı mádenı qalanyń jańa  tynysy ashylady dep oılaımyn. Bul mártebe qalanyń abyroıyn arttyrady dep oılaımyn. Osy iske úles qosqan barlyq azamattarǵa, TÚRІKSOI uıymynyń Bas hatshysy Dúısen Qaseıinovke alǵys bildiremin. Munda jyl boıy baýyrlas halyqtardy jaqyndastyrýǵa, mádenıetin damytýǵa baǵyttalǵan túrli sharalar ótetin bolady. Oǵan mınıstrlik tarapynan erekshe qoldaý jasalatyn bolady», - dedi Nýman Kýrtýlmýsh.

Sondaı-aq, ol Kastamonýdyń mundaı qurmetke burynnan laıyq ekendigin aıtty.

«Bul  shahardyń tarıhy tereń, ejelden túrki ǵulamalarynyń mekeni. Orta Azııadaǵy uly oıshyl Qoja Ahmet ıAsaýıden jetken ilim Anadoly dalasyn qasıetti mekenge aınaldyrdy. Bul mekendi qorǵaýǵa batyrlarymyz ben babalarymyzdyń rýhy men ilimi dem berdi»,  - dep atap ótti Nýman Kýrtýlmýsh.Eske sala keteıik, Túrkııanyń Kastamoný qalasynda 2018 jylǵy Túrki dúnıesiniń mádenı astanasy bolyp jarııalanýyna baılanysty saltanatty shara ótkendigi týraly buǵan deıin habarlaǵan bolatynbyz.