Túrkııa Meta kompanııasyn sotqa bermek
ASTANA. KAZINFORM — Túrkııanyń Ulttyq bilim mınıstrligi Meta kompanııasyna qarsy sotqa talap-aryz túsirýdi josparlap otyr, dep habarlaıdy Report.
Bul týraly Túrkııanyń Ulttyq bilim mınıstri ıÝsýf Tekın málimdedi.
Onyń aıtýynsha, áleýmettik jelilerde balalardyń jasyna sáıkes kelmeıtin kontenttiń jarııalanýy olardyń oqý úlgerimi men tulǵalyq damýyna keri áser etedi.
— Basqa elderdegideı, biz de osy negizder boıynsha sot protsesin bastaımyz, — dedi mınıstr.
Aıta keteıik, buǵan deıin Meta kompanııasyna 1,4 trıllıon dollar aıyppul salynýy múmkin ekenin jazǵan bolatynbyz.
Sondaı-aq Meta balalardyń qaýipsizdigine qatysty talaptardy retteý úshin 17 mlrd dollar tóleýge kelisti.
Al keshe AQSh-tyń Nıý-Meksıko shtatynyń soty Facebook paıdalanýshylaryn jeke derekterin qorǵaý máselesinde jańylystyrǵany úshin Meta Platforms kompanııasyn 25 mlrd dollar tóleýge mindettedi.
