Túrkııa men Sırııadaǵy jer silkinisinen qaza tapqandar sany 50 myńnan asty

ASTANA. QazAqparat - Túrkııada 6 aqpanda bolǵan joıqyn jer silkinisinen 43 556 adam kóz jumdy. Bul týraly eldiń Túrkııanyń Іshki ister mınıstri Súleıman Soılý málimdedi. Sırııada belsendiler 6747 adamnyń qaza tapqanyn tirkedi, dep habarlaıdy QazAqparat Deutsche Welle-ge silteme jasap.

Túrkııada 6 aqpan kúni Sırııamen shekarada bolǵan joıqyn jer silkinisinen qaza tapqandar sany 43 556-ǵa jetti.

Túrkııa men Sırııadaǵy jer silkinisinen ondaǵan myń adam jaraqat aldy.

6 aqpanda Túrkııa-Sırııa shekarasynda magnıtýdasy 7,8-ge jetken jer silkinisi saldarynan ondaǵan myń adam jaraqat alyp, aýrýhanalarda jatyr. Kóptegen adam qys ortasynda baspanasyz qalyp, gýmanıtarlyq kómekke muqtaj.

Dúnıejúzilik densaýlyq saqtaý uıymynyń málimetinshe, apattan 23 mln-ǵa jýyq adam zardap shekti. Mamandar jer silkinisiniń ekonomıkalyq shyǵynyn 20 mlrd dollardan (18,8 mlrd eýro) astady dep baǵalady.

Foto: Reuters